Хоёр таваг тэнцүүхэн байлаа
Хоёр тавгийн нэгэн дээр нь
Хонгор чинийхээ зүрхийг тавилаа.
Өөнтөгч хорвоогийн дэнсний нуруу
Өвсний толгой шиг бөхийгөөд явчлаа.
Өөрийнхөө зүрхийг тэнцүүлье гэтэл
Өр зүрх минь өөр хэн нэгэнд оджээ.
Дээшээ өргөгдсөн
Дэнсний таваг дээр би зогслоо.
Дэвтэр харандаа, алдар нэр, эд хөрөнгөө
Дэлгэж тавиад ч дийлсэнгүй.
Хэрвээ чинийхээ сэтгэл зүрхийг ойлгохгүй бол
Хэзээ ч би ийм л хөнгөн явах нь дээ.
/Р.Чойном/
No comments:
Post a Comment