ЖУЛИЯГИЙН ДУРЛАЛ

Манай Жулия насанд хүрсэн тул найз олж өгөх хэрэг гарсан л даа. Тэгээд хайж хайж нэг нохой олоод нэг удаа нийлүүлэхдээ 20000 төгрөг төлөөд хоёр удаа улзуулсан юм. Гэтэл Жулия маань хоолоо ч идэхээ болиод тоголж харайж, эрхэлж гүйхээ болиод гуниглаж хэвтдэг болчихсон. Бид бүүр гайхаад эмч дээр нь очсон юм. Тэгсэн чинь нөгөө найздаа дурлаад түүнийгээ санаад байгаа нь тэр гэнээ.

Урьд нь нохой тэжээж үзээгүй болохоороо бид нар мэддэггүй юм байна л даа. Тэгэхээр нь дахин хайж байгаад түрүүчийнхээс нь арай залуу найз олоод өгсөн чинь зүгээр болсон шүү. Тэгээд одоо гуниглахаар нь бид нар “хоёр найзынхаа хэнийг нь санаж байна чи” гээд л шоолдог юм.

Одоо Жулия маань намба суугаад өөр болсоон. Сахилгагүй жижигхэн эрх нохой байхаа болиод ээж болох гэж байгаа.

Амьтан ч гэсэн дурладаг хайрын энэ хорвоод аз жаргалаар дүүрэн амьдрахыг та бүхэнд ерөөж Гэгээн Валентиний өдрийн мэнд хүргэе. Коммент үлдээхээ мартав аа.

УРУУЛАА БУД БҮСГҮЙ МИНЬ

Уруулаа буд бүсгүй минь
Унжуу дорой бүү яв
Нас бол цаасан дээр бичдэг тоо юм
Намбархаж бүү сүйд бол
Хүссэнээрээ амьдар бүсгүй минь
Хүлэгдэж баригдаж бүү амьдар
Гоо сайхан яв бүсгүй минь
Голж бас шилж амьдар
Гадсан өсгийтэй ганган шаахай
Гархи, гоёл бүгдээн зүү
Сайхан үнэр биедээ шингээж
Салхи татуулан инээмсэглэж яв
Санаашрах гунигийн дуу бүү аял бүсгүй минь
Сарны гоо гүнж мэт инээмсэглэж амьдар…
/Зохиогч нь нэрээ нууцлахыг хүссэн тул хүлцэл өчие/

БАГШ НАРЫН БАЯРЫН МЭНДЧИЛГЭЭ

Багш таны.. . .
Эгшиглэнт үгс чинь эрдэм төгс
Инээмсэглэл чинь ялдам сайхан
Ухаалаг ярианд чинь уярч
Уран үгийг чинь биширч суухдаа
Эрдмийн оргилд хүрэх
Эрхэм хүсэлд автдагсан
Багш аа танд багш нарын баярын мэнд хүргэе. /Д.Ц/

БҮЖЭЭ БАГШДАА

АЛДРЫН ОРГИЛД ХҮРЭХ
АНХНЫ ХИЧЭЭЛИЙГ ЭХЛҮҮЛСЭН
АЛЖААЖ ЯДРАХАА УМАРТАН
ААНАЙ Л БИДНИЙГЭЭ ЖОЛООДСОН
УРЬД ЗҮГИЙН БИДНИЙГ
УДИРДАХУЙН УХААНД СУРГАЖ,
УРАМ ХАЙРЛАЖ ХӨГЖӨӨСӨН
УХААЛАГ ХӨӨРХӨН БАГШ МИНЬ ЭЭ
ТАНЫХАА ИТГЭЛИЙГ МАРТАХГҮЙ ЭЭ БИД
ТАСАРХАЙ МУНДАГ МАСТЕРУУД ТӨРНӨ ӨӨ
ТЭГЭЭД ДАРАА НЬ ДОКТОР БОЛНО ОО
ТЭГЭХДЭЭ БАС Л ТАНЫГАА УРИНА АА . . .

Дорноговь аймгийн анхны мастерийн ангийнхнаас /Эрдэнэчимэг/

БАГШ НАРЫН БАЯРЫН МЭНДЧИЛГЭЭ

БҮЖЭЭ БАГШДАА

АЛДРЫН ОРГИЛД ХҮРЭХ
АНХНЫ ХИЧЭЭЛИЙГ ЭХЛҮҮЛСЭН
АЛЖААЖ ЯДРАХАА УМАРТАН
ААНАЙ Л БИДНИЙГЭЭ ЖОЛООДСОН
УРЬД ЗҮГИЙН БИДНИЙГ
УДИРДАХУЙН УХААНД СУРГАЖ,
УРАМ ХАЙРЛАЖ ХӨГЖӨӨСӨН
УХААЛАГ ХӨӨРХӨН БАГШ МИНЬ ЭЭ
ТАНЫХАА ИТГЭЛИЙГ МАРТАХГҮЙ ЭЭ БИД
ТАСАРХАЙ МУНДАГ МАСТЕРУУД ТӨРНӨ ӨӨ
ТЭГЭЭД ДАРАА НЬ ДОКТОР БОЛНО ОО
ТЭГЭХДЭЭ БАС Л ТАНЫГАА УРИНА АА . . .

Дорноговь аймгийн анхны мастерийн ангийнхнаас /Эрдэнэчимэг/

АМЬДРАЛЫН АЧАА

Эрт цагт Бурхан энэ ертөнцөд амьдрах хүмүүсийн зургийг зурахаар шийджээ. Ингээд л том жижиг, өндөр нам, хар цагаан, эрэгтэй эмэгтэй, хүч, чадалтай, сул дорой, ухаантай, хөөрхөн гээд л янз бүрийн хүн зуржээ. Зурсан хүн бүрийнхээ бодгаль чанарыг ургуулан бодож амилуулсан тул хүмүүс нь бүгд хоорондоо өөр өөр болжээ. Гэтэл бурхан тэдгээр хүмүүсийг зурахдаа амьдралын ачааг хэрхэн хуваахаа ерөөсөө бодоогүй байж. Ингээд амьдралын ачааг тэнцүү хуваах гэж хичнээн оролдоод чадаагүй гэдэг. Зарим нь бурханы хуваарилсан ачааг даахгүй байсан тул ачаа даах хүмүүст нь ахиухан оногдож гэнэ. Заримд нь бүр дааж давшгүй их ачаа оногджээ. Харин хүндхэн ачаа үүрсэн өнөөх хүмүүс хэзээ ч бурханд гомдоллодоггүй гэнэ. Амьдралын тэр их ачааг үүрч явдаг хүч чухам юунд байдаг бол? Эрхэм уншигч та бодож үзээд коммент үлдээгээрэй.
ЮМЧМАА Цэрэндорж said...

итгэл, талархах сэтгэл.
намайг бүтээсэнд талархаж, хичнээн ачаатай байсан ч жаргалтай байгаадаа итгэх итгэл

June 21, 2009 10:37 PM

ШИНЭ ЖИЛИЙН МЭНДЧИЛГЭЭ

Цасан ширхэгийн тоогоор инээд бэлэглэе

Цагаан сүүний өнгөтэй хайр бэлэглэе
Амсаж дуусашгүй жаргал бэлэглэе
Алгуурхан ирж буй шинэ оны мэнд хүргэе!
Дуулж баясч угтаарай, шинэ оноо
Дурлаж дурлуулж яваарай, шинэ ондоо
Буурлаа дээдэлж яваарай, буян нь ирнэ
Бусдыгаа хүндэлж амьдраарай, нэр нь ирнэ
Бодлоо цэгцэлж амьдраарай, үйлс нь бүтнэ
Буянаа түгээж яваарай, жаргал ирнэ.

Миний блогийг үзэж суугаа эрхэм нөхөддөө шинэ жилийн мэнд хүргэж, сайн сайхныг ерөөе. Шинэ онд та бүхэн олон шинэ мэдээллийг миний блогоос уншиж коммент үлдээгээрэй.

ДУГАНА ХАДНЫ ШИНЭ ЖИЛ

ЗАЛУУ ХҮМҮҮСИЙН АНХААРАХ ЗҮЙЛ

Дотроо итгэлтэй, бүтээлч чадвартай л болохыг юуны өмнө эрмэлз. Учир нь хүний жинхэнэ чанар бүрэлдэхэд зөвхөн төрөлхийн бус мөн олж эзэмшсэн шинж байдал чухал. Залуудаа олж, сурсан мэдлэг чинь итгэлийн дэлбээ мэт дэлгэрч, ирээдүйн их үр бүтээлийн илч болно. Ариухан залуу амьдралд чинь чамд бэлэн зэлэн юм хаана ч олдохгүй. Харин алхам бүр чамаас хүчин чармайлт, бодлого, уян хатан хийгээд авхаалж самбаатай байхыг шаардана. Хичээл чармайлтгүйгээр, ажил хөдөлмөргүйгээр амжилтанд хүрэхгүй. Эхлээд тарь, дараа нь ургасныг хураа. Практик үйл ажиллагаа болон бүтээлчээр хандах чадвар хоёр л амьдралын их сургуульд хамгийн сайн багш нь болдог.

Ернст Тельман. Охиндоо бичсэн захидлаас. 1934 он

ХОРИН НАСНЫ ДУРСАМЖ

Найз минь чамайгаа би хайрлаж чадахгүй ч
Намайг гэсэн сэтгэлийг чинь ойлгодог шүү.
Өөрөө би чиний оронд байсан бол
Өдөр шөнөгүй уйлах байсан даа гэж
Хайртай болсон залуугийн хойноос
Хонгорхон охин зүрхэндээ шивнэв.

1991 оны 1 сарын 20. Свердловск.

Миний хүүгийн төрсөн өдөр

МИНИЙ БЯЦХАН ХҮҮ 10 НАС ХҮРЛЭЭ

Миний хүү өнөөдөр 10 нас хүрч байна. Гэвч ээждээ нялх хэвээрээ. Бага нь болохоор бид 2 эрхлүүлчихсэн юм л даа. Ах нь хөөрхий 10 нас битгий хэл 3 нас хүрээд л биеэ даачихсан тэрнээс хойш бараг төрсөн өдрөөр нь л нэг үнсдэг болсон байх. Харин Мөнкүүкийг бол одоо ч өлгийтэй юм шиг л эрхлүүлдэг. Гэхдээ миний хүү эрхийн тэнэг биш л дээ ухаантай, зөөлөн сэтгэлтэй, даруухан, онц сурдаг хүү. Аав нь том хүүгээ хүлээж байсан шиг нэг их хөл хөөрцөг болоогүй болохоор би тэнэгхэн залуу бүсгүйн сэтгэлдээ арай бага хүүдээ хайргүй байх юм биш байгаа гэж бодож байж билээ. Харин би өөрөө бол бүүр инээдтэй. Хүүгээ олсноо мэдчихээд аавд нь хэлэлгүй мэргэн эмээ дээрээ очсон юмдаг. Манай эмээ мэргэлдэг, их сайн мэддэг, бариа засал хийдэг мундаг эмээ байлаа л даа. Тэгээд "Эмээ манайх одоо дахиад хүүхэдтэй болбол яах бол, Төрөө охинтой болое гээд байх юм. Хүү маань бага байгаа болохоор би хувьдаа дэмий гэж бодож байна л даа" гэж асуусан. Тэгсэн эмээ маань зоосоо нэг гүйлгэж үзээд л "Үгүй ер өө чи чинь одоо жирэмсэн байгаа юм биш үү юугаа дэмий яриад байгаа хүүхэд вэ. Задарсан гэдэг нь одоогийн охидууд та нар ганц хүүхэд гаргачихаад юу гэж боддог юм. Наад хүүхэд авахуулсан байгаад үзээрэй. Яв чи" гэж билээ.

МИНИЙ ХҮҮГИЙН ХӨГЖИЛТЭЙ ЯВДЛУУДААС:

- Мөнкүүк жаахан байхдаа их хэлэмгүй хүүхэд байсан юм. 4 нас л хүрч байсан юмдаг. Аавыгаа компьютер тоголж байхад нь очоод юм яриад байж л дээ. Тэгсэн аав нь анзаарахгүй байж. Тэгэхэд нь "Аав та ер нь ингэхэд юм ойлгодог хүн үү үгүй хүн үү" гэсэн гэж байгаа.
- 3 настайдаа жорлонд горошек дээр бие засаад сууж байсан чинь манай нэг дүү "Эгч нь бие засмаар байна Мөнкүүк чи гарах болж байна уу" гэсэн чинь "Та ямар миний горошек дээр суух биш ороод бие засаж л байхгүй юу юундаа маяглаад байгаа юм бэ" гэж хариулж билээ. Бид бөөн инээдэм болсон юм даг.
- Аавтай нь хамт хаяа архи уучихдаг Б гээд залууг би нөхөртэйгээ найзлуулах их дургүй л дээ. Тэгээд "Тэр Б ерөөсөө хүн биш чи битгий нийлж бай" гэж ярьж байхыг хүү маань сонсчихож. Маргааш нь нөгөө Б-г манайд орж ирэхэд нь Мөнкүүк өөдөөс нь нилээд харж байснаа "Та хүн үү" гэсэн гэдэг. Нөгөө Б гэдэг залуу бүүр гайхаад Төрөө энэ танай хүүхэд чинь надаас тэгж асуугаад байх юм. Би ямар харагдаж байна гэсэн гэдэг.
Хүмүүсээ миний хүүгийн төрсөн өдрөөр мэндчилгээ илгээгээрэй. e.monh@yahoo.com

МИНИЙ ХҮҮГИЙН ЗОХИОН БИЧЛЭГ

ЭХ ОРНЫ ТУХАЙ МИНИЙ БОДОЛ
Миний эх орон бол Монгол улс юм. Харин би монгол орны нийслэл Улаанбаатар хотод амьдарч байгаа. Манай гэр бүл монголын олон олон жирийн гэр бүлийн нэг юм. Гэхдээ энгийн байна гэдэг бас дутагдалтай гэж би үздэг. Улам бүр өөр шинэлэг зүйлийг бүтээж тэрэндээ алдсан ч гутрахгүй байх нь чухал юм. Монголын нэгэн зүйр үг байдаг шүү дээ ”Ес унавал арав босно” гэж.

Аль нь вэ

Эрч хүч юунаас эх үүсэлтэй вэ?
Сэтгэл санааны байдал, биеийн эрүүл мэнд, залуу нас аль нь вэ.

АРСЛАН ТУУЛАЙ ХОЁР

Эрт цагт арслан туулай хоёр маш дотно үерхдэг байжээ. Араатны хаан гэгдэх арслан ойн амьдралын чухал асуудлуудыг туулайд итгэж даатгана. Туулай харин ойн олон амьтдын дотроос эрдэм мэдлэгээр гаргуун, аливаа юмны учир эвийг олж харьцахдаа сайн нэгэн. Тиймээс ч найз нөхөд олонтой. Тэр хоёрын үерхэлд атаархах амьтан цөөнгүй. Тэдний нэг болох үнэг нэгэн өдөр арсланд түүний дайсан болох чонотой туулай тун ч дотно харьцаатай хэмээн ярьжээ. Арслан үүнийг сонсоод ихэд хилэгнэв. Нээрэн ч зарим зүйл үнэн юм шиг санагдаад ойр дотныхоо бусад шадар нөхдийг дуудан ирүүлж, энэ тухай хэлж анхааруулжээ. Энэ өдрөөс хойш хэн ч тулайтай харьцахаа болив. Туулай хэзээ нэгэн цагт учир нь олдоно хэмээн итгэж өөрийн ажилдаа шамдсаар ... Хожим нэгэн өдөр арслан үнэн учрыг мэдээд урьдын адил туулайд итгэж шадарлах болов. Гэвч туулайг гэх бусад амьтдын итгэл эргэж ирэхээс нэгэнт өнгөрсөн байлаа.

АНХНЫ ЦАС ОРСОН ӨГЛӨӨ

“Сайхан зүүд зүүдэлж, сайхан амраарай” гэсэн нэгэн танилынхаа өчигдөр орой бичсэн message-ийг өглөө босоод саналаа. Нээрээ сайхан зүүд зүүдэлсэн л дээ. Тэр сайхан зүүд маань энэ өвлийн анхны цасыг дагуулан иржээ.

. . . Өглөө уг нь бороо орж байсансан.

. . . Машин гулгаад л.

. . .Будран орж байгаа цасыг цонхоор хараад хүмүүст өглөөний мэндчилгээ болгож цасны тухай шүлэг явуулахаар шийдэв.

Тэгээд цас гэдэг үгийг бичив үү үгүй юу “Цас хүнд дурлажээ” гэдэг бичлэг гарч ирсэн.

ЦЭЦЭГ ЯАГААД . . .

Нэгэн голын эрэгт сайхан цэцэг ургасан байв. Тэр сайхан цэцэг хүмүүсийн нүдийг баясгаж, баяр баясгалан, амьдралын эрч хүч бэлэглэнэ. Ус хүний амьдралыг тэтгэнэ. Энэ хоёр хүний л төлөө амьдарсаар тэр эрхэм бөгөөд нэр хүндтэй үүргээ биелүүлж, өөрсдөө ч түүгээр ундаалан олон жилийг аз жаргалтай өнгөрөөжээ. Энэ олон жилд хэн хэн нь бие биедээ маш их дэм болж, нэг ч удаа ам мурийж үзсэнгүй. Бие биедээ урмын үг өдөр бүр хэлнэ. Тусалж дэмжих үедээ юугаа ч хайрлахгүй тусална. Гэвч хоног хугацаа өнгөрөх тусам цэцэг гундсаар байлаа.

АЛТАН БОЛОМЖ

Алтан боломж гээд л бичээд байдаг. Гэхдээ яг юуг алтан боломж гэх вэ. Тэр чинь тэгээд бэлэн байж байдаг эд үү. Эсвэл өөрөө бүтээдэг юм уу. Эндээс л нөгөө та хэн бэ гэдэг чинь харагдана даа. Гэхдээ зарим нэгэн азтай хүнд алтан боломж өөрөө тохиодог юм шүү.

Чулуу байрнаасаа хөдлөхөөр...

Чулуу байрнаасаа хөдлөхөөр 3 жил байраа олдоггүй гэсэн зүйр үг байдаг. Хүн амьдарч ажиллах газраа сонгохдоо тун их бодох хэрэгтэй гэдэг. Энэ чухал зүйлд сэтгэлийн хөдөлгөөнөөр хандаж болдоггүй.
Гэхдээ нэг гаргасан шийдвэрийнхээ төлөө хүн өөрөө зүтгэх нь чухал. Иймээс 3 жил байраа олоогүй чулуу байх уу эсвэл түүнээс ч богино хугацаанд амьдралынхаа бат бэх суурийг олсон чулуу байх уу гэдэг нь тухайн хүний ур чадвар, авъяас, итгэл зүтгэлээс шалтгаална байх л даа. Миний сүүлийн үед хэлэх дуртай үг "Алтан боломж" болоод байгаа шүү дээ. Алтан боломжоо алдахгүй л байвал энэ амархан байх аа. Харин алтан боломжийг алдахгүйн тулд яах вэ. Хамгийн эхлээд алтан боломжоо зөв таних нь чухал. Хажуугаар нь өнгөрөв дөө. Хүмүүс ээ. Энэ талаар бодож үзээд коммент үлдээгээрэй.

БОЛОМЖ ба БИ

Чадварлаг хүн боломжийг бүтээдэг.
Тэнэг хүн алддаг.
Сул хүн хүлээдэг гэж хэлэлцдэг.

Тэгвэл би хэн бэ. Амьдралынхаа алтан мөчүүдийг эргээд бодохоор би чадварлаг мөртлөө тэнэг хүн юм уу даа. Миний блогийг үзэж буй эрхэм та бас бодоод үзээрэй. Тэгээд сomment үлдээгээрэй.

ИТГЭЛ

Амжилт бүтээл гэдэг олон зүйлээс шалтгаалах боловч хамтран зүтгэх нөхөд юунаас ч илүү чухал. Нөхөртэйгээ хамтарч амжилтанд хүрэх ганц түлхүүр нь итгэл. Зарим хүн тэр түлхүүрээ нандигнахын учир утгыг тийм ч сайн ойлгодоггүй. Тэгээд л түлхүүрээ гээж орхидог. Түлхүүрээ гээсэн тухай олонд зарлах нь сайн нөхрөө буудсан хэрэг. Буун дууг ДАЙСНУУД чинь баярлан сонсож байгаа тэр ертөнцөд ТА үлдэж, харин НӨХӨР чинь АМГАЛАН нойрсоно.

Баруун аймгуудаар аялсан нь

Хөвсгөл нуурт

Зуны сургалт

Сургалтын баг Өвөрхангай, Баянхонгор, Ховд, Баян-Өлгий аймгуудын нутаг дэвсгэрээр нийт 3000 шахам км аялж, хөдөөгийн малчин иргэдийн дунд ардчилал, хүний эрх, иргэний оролцоо, нутгийн өөрөө удирдах ёс сэдвээр сургалтууд зохион байгуулж байна. Сургалтын багын аялал Увс, Хөвсгөл, Завхан, Булган аймагт үргэлжилнэ.

МИНИЙ СОНГОЛТ

Манай оюутнууд миний зургийг тоглоод авчихсан нь энэ. Гэхдээ хамгийн сонин нь зурганд өгсөн нэр нь байсан юм. "Идэх жимснээсээ эхлээд бүхнийг бодож сонгодог Бүжээ багш" гэсэн нэр өгсөн байсан.

Тийм ээ бид аливаа зүйлийг санамсаргүй сонгодоггүй.

"Сонголт" гэж юу вэ? Хүн юуг, хэнийг хэрхэн сонгож болох вэ comment үлдээгээрэй хүмүүс ээ

ГАРАА ДЭЛГЭ

Би наад зах нь өдөрт нэг удаа хоёр гараа алдалж суугаад "Би амьдралын бүх сайн сайхан, элбэг дэлбэгийг хүлээн авахад бэлэн нээлттэй байна" гэж хэлдэг. Энэ нь надад орон зай өргөжиж, тэлж буй мэдрэмж төрүүлдэг.
Амьдрал миний оюун ухаанд багтсан бүх зүйлийг өгч чадна. Харин би оюун ухаандаа илүү ихийг бий болгож чадна. Энэ бол сансар огторгуйн уудам гэсэн үг. Би надад буй бүтээх чадвараа таньж, түүнийгээ нэмэгдүүлснээр оюун санааны хадгаламжаа арвижуулдаг.
Эмчилгээ, сувилгаа, анагаах, эдгээх гэдэг оюуны нөөц юм. Өдөр бүр тэр нөөц хадгаламжиндаа юм нэмж хийх заншилтай болцгооё. Луйз Л Хэй.

ТАНД ЗОРИГ, УРАМ, УХААРАЛ ХАЙРЛАХ ҮГС

Хүн гэдэг амьтан өдөр тутмын аар шаархан зүйлд түүртэж, яг л ажилчин зөгий шиг өдөр хоногийг өнгөрөөсөөр амьдралын баяр баясгалан, инээд хөөр, жинхэнэ аз жаргал, итгэл найдвар авчирч байгаа тэр л энгийн мөртлөө өчүүхэн тэгээд бас нандин зүйлүүдээ олж харахаа байчихдаг. Тэр энгийн зүйлүүдээ үргэлж танин мэдэж байх нь таны оршин байхуйн мөн чанар болно. Энэд нэг их хүч чармайлт шаардагдахгүй ээ. Танд урам зориг, хүч, ухаарал хайрладаг тэр зүйл бол ердөө л итгэл, сайн санаа, сайхан бодол, зөв сэтгэл. Бие биедээ урам хайрлаж, итгэж, тэр итгэлээрээ сайхан ирээдүй, сайн бүхнийг төсөөлөн бодож, бодсон тэр л зүйлээ бүтээхийн төлөөх тэмцэл бол ХҮНИЙ АМЬДРАЛЫН ЗУРАГ юм. Зөв явбал зөөлөн зөөлөн замбуулин гэж үнэн үг шүү.

Жендерийн мэдрэмжгүй зурагт хуудас

Энэ зургийг хамгийн анх надад нэгэн гадаадын мэргэжилтэн үзүүлээд гайхсан байдлаар хоёр гараа дэлгэсэн юм. Тэрээр монголоор уншиж чадахгүйн дээр зураг дээрх хүний зургийг Чингис хаан гэж таниагүй тул монголын газар нутаг тэр чигээрээ нэгэн дайчин эрийн зургаар дүүрснийг хараад үнэхээр гайхсан байлаа. Хэл мэдэхгүй гадны хүн ч яах вэ. Энхийн биш өнгө аястай, ямар ч жендерийн мэдрэмжгүй энэ зургийг харсан сонгогчдын зөв сонголт нь хэн байх бол.

ARVAIKHEER-SURGALT

БОЛОВСРОЛЫН ФИЛОСОФИ

БОЛОВСРОЛЫН ТУХАЙ ОНОЛ ҮЗЭЛ БАРИМТЛАЛЫН ТҮҮХЭН ТОЙМООС

Боловсрол нь хүн төрөлхтний бүтээсэн соёлын өвийн салшгүй нэг хэсэг, нийгмийн нэг дэд систем, хойч үеэ амьдрал хөдөлмөрт бэлтгэх үйл явц, хүний үйл ажиллагааны онцгой нэг салбар болохын хувьд философийн шинжлэх ухааны судлах зүйлийн нэг болж хүн төрөлхтөн үүссэн тэр цагаас оршин тогтнож ирсэн юм.
Философийн шинжлэх ухаан нь үүссэн цагаасаа өнөөг хүртэл оршин буй боловсролын системийг судлан тайлбарлаж, шинэ үзэл санаа, шинэ үнэт зүйлсийг бий болгож иржээ.

БОЛОВСРОЛЫН ЖЕНДЕР

Ардчилал, даяаршлын нөлөөгөөр 1990-ээд оноос хойш хүний эрх, тэгш байдал, жендерийн асуудлыг манай улсын бүх салбарт идэвхтэй ярих болсон. Монгол улсын хүн амын дотор эрэгтэй, эмэгтэй хүмүүсийн эзлэх хувь хэмжээ бараг тавь тавин хувь байдаг бөгөөд ЕБС-ийн бага ангид жил бүр орж байгаа хүүдүүдийн хувьд ч энэ харьцаа хадгалагдаж байдаг билээ. Харин ахлах ангиас эхлээд энэ харьцаа алдагдаж, ЕБС-д суралцагчдын олонх хувийг эмэгтэй сурагчид эзлэх хандлага бий болоод 10 гаруй жил болж байна. Судалгаанаас харахад нэгээс гурав дугаар ангийн эмэгтэй сурагчдын эзлэх хувь 50.3%, 7-р ангид- 53.1%, 9-р ангидаа-58.4 % болж байна. Дунд сургууль төгсөгчдийн 56.2 хувь, дээд сургуульд суралцагчдын 78.0 хувь нь эмэгтэйчүүд байна. Харин алс хязгаар нутгийн дархад, цаатан зэрэг үндэсний цөөнхийн дотор хүүхэд сургууль завсардах, насанд хүрсэн хөдөөгийн хүн амын дотор эмэгтэйчүүдийн бичиг үсгийн боловсролын түвшин эрчүүдийнхээс доогуур байв.
Нийт багшийн 78.2 хувь нь, бага ангийн багш нарын 92.5 % нь эмэгтэйчүүд байна. /Боловсролын хүрээлэнгээс хийсэн судалгааны дүнгээс/

ДУНДГОВЬ АЙМАГТ

Дундговь аймгийн 2 дугаар 10 жилийн сургууль дээр "Ардчилал ба боловсрол" сургалт зохион байгуулав. Сургалтанд тус сургуулийн 36 багш оролцож сертификат гардан авлаа.

БҮСГҮЙН НУЛИМС

Монголчууд бид "хүн амьдралдаа нэг л удаа гэрлэдэг" гэдэг философид итгэж ирсэн улс. Тийм ч учраас нэг насныхаа ханийг зөв сонгох хэрэгтэй гэж ярьцгаадаг. Гэтэл хүн бүхэн тэр зөв сонголтыг хийж чаддаггүй нь харамсалтай. Тэгээд цөхрөхдөө түүнийгээ "хувь тавилан", "зурсан зураг" хэмээн тайлбарлана.

Ариунаа дөнгөж саяхан мэндэлсэн манцуйтай бяцхан үрээ тэврэн нөхрөө хүлээж сууна. Нөхөр нь ажил төрөл хийдэггүй боловч гэрийн бараа харах нь тун цөөн. Ер нь л зугаа цэнгэлхэн энээ тэрээ хөөж хорвоогийн бор хоногийг өнрөгөөнө. Ариунаа анхны гэгдэх цэвэр ариун хайраа Цэнгэлд өгч амьдралаас их л зүйлийг хүсэн хүлээж байсан нь ч тэр бүр санаснаар болохгүй л байлаа.Бүхий л зүрх сэтгэлээ өгч хайрласан залуу нь өөрт нь хайргүй юм шиг санагдана.

ХАМГИЙН ....ЮУ ВЭ

ХАМГИЙН ХАМГИЙН. . .
Эрт урьд цагт нэгэн ноён гурван хүүгийнхээ ухааныг сорихоор шийдэж ууган хүүгээсээ асуужээ. Хамгийн амттай, хамгийн тарган, хамгийн мэргэн нь юу вэ гэхэд ууган хүү: -хамгийн амттай нь чихэр, хамгийн тарган нь гахай, хамгийн мэргэн нь ноён гэжээ. Харин дунд хүү нь:- хамгийн амттай нь зөгийн бал, хамгийн тарган нь хонь, хамгийн мэргэн нь цэцэн түшмэл гэжээ. Гэтэл отгон хүү нь :- хамгийн амттай нь давс, учир нь хоол бүхэнд амтыг тааруулдаг. Хамгийн тарган нь дэлхий Түүн дээр бүх юмс оршин байдаг. Хамгийн мэргэн нь үзэг. Үзгээр орчлонгийн хэрэг явдлыг бүхнийг тэмдэглэн бичиж, ном хэмээх гайхамшгийг бүтээдэг хэмээн хариулжээ. Та бүхэн ч бас энэ асуултанд хариулаад үзээрэй.